مجلة موبيكان الإلكترونية موجهةٌ الى كل المهتمين بالديكورات، واخر صيحات الموضة فالديكور.

ازاى تصمم ديكورات بيتك من البدايه للنهايه (الجزء الاول)

ازاى تصمم ديكورات بيتك من البدايه للنهايه (الجزء الاول)

ازاى تصمم ديكورات بيتك من البدايه للنهايه (الجزء الاول).

لو انت مش حابب انك تستعين بمهندس ديكور علشان يصمملك ديكورات بيتك فمن الافضل انك تبقى عارف ازاى انت هتصممها ويكون فيه خطوات تمشى عليها علشان توصل للنتيجه المطلوبه, فى مجموعه المقالات دى هنتناول الفكره دى وهنديك خطوات تمشى عليها علشان تصمم ديكورات بيتك بدايه من التشطيبات الى الاكسسورات اللى هنستخدمها ودى بتبقى أخر مرحله.

هنتكلم النهارده أول حاجه عن التشطيبات:

التشطيبات بتعتبر الاساس اللى هنبنى عليه بقيت ديكورات الشقه, علشان كده لازم نبقى عارفين ازاى نأسس مظبوط

أول خطوه أكيد فى تشطيبات الشقه وهى انك تدخل الميه ودى تقريبا اسهل خطوه لأن بعد كده هنروح للأضاءه واللى بتحتاج تصميم .

الاضاءه : بتتكون الاضاءه من عدة طبقات والطبقات دى كلها لازم تكون موجوده حتى لو المكان صغير.

أول طبقه وهى الاضاءه المعلقه دى زى اللمبات بأنواعها والدلايات والنجف.

دلايه مشبك استايل كلاسيك دلايه مشبك استايل كلاسيك مصنوعه من اجود انواع الخشب المضغوط المقاوم لحراره الاضاءه ديكورات ازاى تصمم ديكورات بيتك من البدايه للنهايه (الجزء الاول)
دلايه مشبك أستايل كلاسيك

تانى طبقه وهى الاضاءه الجانبيه زى الاباليك والاباجورات.

ابليك اضاءه مودرن استايل ابليك اضاءه مودرن بتصميم جديد ومميز من موبيكان يعطى لمسه عصريه ومميزه للمكان مصمم من اجود انواع الخشب ديكورات ازاى تصمم ديكورات بيتك من البدايه للنهايه (الجزء الاول)
أبليك اضاءه مودرن استايل

تالت طبقه وهى الاضاءه المخفيه ودى بتكون فى أشكال كتيير ممكن تكون فى الحيطه خلف البراويز أو التابلوهات ودى بتسخدم علشان تدى شكل مميز وجميل للمكان, كمان علشان تبين الديكور اللى موجود فى المكان.

هنبدأ فى تصميمات الاضاءه أول حاجه فى الصاله أو غرفه الاستقبال.

دى هيكون فيها كل الانواع من الاضاءه.

هتبقى اضاءه معلقه زى النجف واضاءه جانبيه زى الاباليك واضاءه مخفيه, دى ممكن نستخدمها خلف الستائر او خلف قطع الديكور المعلقه.

فى غرف المعيشه ممكن نستغنى عن النجف, وبدل منه نستخدم الدلايات وفيه أشكال كتير للدلايات, الدلايات بتدى للمكان جمال من نوع الخاص فلو أضائتى الدلايه لوحدها هتغير من أجواء المكان كتيير, فى غرف المعيشه مهم يكون فيه أباجوره أرضيه دى علشان لو حابب تقرا كتاب مثلا مش هتحتاج انك تشغل كل الاضاءات الموجوده فى المكان.

غرف نوم الاطفال:

غرف نوم الاطفال من أهم الاماكن فى الشقه,  هنستخدم فيها الاضاءه المعلقه, والاضاءه الجانبيه, والاباجورات, والاباجورات مهمه جدا فى غرف الاطفال علشان أغلب الاطفال بيفضلو دايما انهم ميناموش فى الضلمه فمهم انه يكون مصدر اضاءه هادئ ومريح يقدرو انهم ينامو فيها ويحسو بالأمان.

غرف النوم الاساسيه:

طبعا هى غرفه أساسيه فى كل بيت, ودى هنستخدم فيها كل أنواع الاضاءه معلقه, جانبيه, أرضيه, مخفيه

الحمامات:

هنستخدم فيها الاضاءه المعلقه, والاضاءه الجانبيه الى حد ما.

المطابخ:

هنستخدم فيه الاضاءه المعلقه من السقف بشكل أساسى.

أخطاء تجنبها فى الاضاءه وهى انك تخلط بين لونين مختلفين من الاضاءه زى الابيض والاصفر حتى لو المكان كان كبير ومتسع, الالوان فى الاضاءه :اللون الابيض لون بارد بيفضله دايما سكان المناطق الدافئه والحاره.

اللون الاصفر لون دافئ ومميز بيستخدمه دايما سكان البلاد البارده, وهو الافضل فى الديكور.

ده كان بالنسبه للاضاءه

تشطيب الارضيات:

فيه عده خامات ممكن نشطب منها الارضيات زى السيراميك والبورسلين والباركيه والخشب.

ارضيه من البورسلين العالى الجوده والمميز ديكورات ازاى تصمم ديكورات بيتك من البدايه للنهايه (الجزء الاول)
أرضيه بورسلين
بورسلين مميز للارضيات ديكورات ازاى تصمم ديكورات بيتك من البدايه للنهايه (الجزء الاول)
بورسلين
أرضيه من السيراميك ديكورات ازاى تصمم ديكورات بيتك من البدايه للنهايه (الجزء الاول)
أرضيه من السيراميك

بتختار الخامه اللى بتعجبك والمناسبه ليك وبتبدأ تشطب بيها الارضيه اللى موجوده فى الشقه.

فى المطابخ والحمامات التشطيب بيختلف بعض الشئ.

المطابخ:ممكن نخلى الارضيه من نفس الخامه بتاعه الشقه وكذلك الجدران, وممكن ندهن الجدران بدل من اننا نستخدم السيراميك أو غيره.

نفس الوضع بينطبق على الحمامات.

ده كان بالنسبه لتشطيب الشقه, فى المقال الجاى هيكون موضوع مختلف وهو ازاى ننسق الالوان والديكورات داخل الشقه.

بعض الموضوعات المشابهه:

تعرف الأن على طرق خلط الالوان فى الديكور

موبيكان موقع الكترونى يحتوى على العديد من قطع الديكور المميزه والمختلفه.

اترك رد

لن يتم نشر عنوان بريدك الإلكتروني.