مجلة موبيكان الإلكترونية موجهةٌ الى كل المهتمين بالديكورات، واخر صيحات الموضة فالديكور.

ازاى تختارى الاضاءه المناسبه لبيتك.

اختيار الاضاءه المناسبه للبيت

أفكار اختيار الاضاءه المناسبه في البيت

الاضاءه عنصر مهم جداا فى بيتك والاختيار الانسب ليها بيخلى البيت مميز, ممكن تستخدمى الاضاءه علشان تبرزى جمال قطع ديكور أو تستخدميا علشان تغيرى الاجواء الموجوده فى المكان.

النهارده هنقولكم على شويه نصايح هتساعدكم وأنتو بتصممو الاضاءه بتاعه البيت.

أول حاجه فييه لونين مختلفين للاضاءه (الابيض, الاصفر)

وبنستخدم اللونين دول حسب رغبتنا, اللون الابيض ده لون بيدى حيويه للمكان وبيبث روح النشاط للاشخاص الموجودين فى المكان ده, وده ممكن نستخدمه فى المكاتب والمحلات التجاريه بالاضافه ان اللون الابيض لون بارد فدايما بيفضله الاشخاص اللى بيعيشو فى المناطق الحاره.

أما اللون الاصفر فهو لون دافئ بيدى احساس بالدفئ للمكان كمان بنشوف ان مناسب جداا للمنازل, ممكن تستخدميه فى غرفه الجلوس وغرف النوم سواء غرف النوم الرئيسيه أو غرف نوم الاطفال كمان ممكن نستخدمها فى غرف المعيشه.

تانى حاجه : الاضاءه بتتكون من طبقات, فيه اضاءه معلقه زى الدلايات والسبوت لايت ، فيه اضاءه جانبيه زى الاباليك والاباجورات ، فيه اضاءه مخفيه ودى بتكون موجوده فى الحيطان والاسقف والارضيه ودى بتسخدم علشان نبرز جمال قطع ديكور موجوده فى المكان , فيه كمان الاضاءه المسلطه زى الاباجورات الارضيه ودى بنستخدمها وقت القرايه او لو بنذاكر.

الاضاءات دى كلها لازم تبقى موجوده فى المكان حتى لو المكان مساحته مش كبيره, ولازم نكون عارفين ازاى نستخدم الاضاءات دى مع بعضها لان ده بيغير من أجواء المكان وبيدي أجواء مختلفه لنفس المكان.

ازاى نتحكم فى الاضاءات المختلفه الموجوده فى مكان واحد…

زى ماقولنا المكان بيكون فيه أنواع مختلفه من الاضاءات سواء المعلقه او الجانبيه او المخفيه او المسلطه التحكم في الاضاءات دى يعتبر فن لانه فى كل مره بنستخدم الاضاءات فيها بالشكل المناسب بيدينا أجواء مختلفه للمكان, يعنى مينفعش ابدا نشغل كل الاضاءات دى مره واحده مع بعضها ده مش هيكون مناسب أبدا.

(الاضاءه المعلقه)

الدلايات : قطعه ديكور مهمه جداا ومميزه متوفره بأشكال كتيره جدا بتميز المكان باضاءه خافته فبتدى احساس بالدفئ والاسترخاء , ممكن تستخدمى فى الدلايه اى نوع من انواع اللمبات سواء العاديه, الليد وغيرها وكذلك ألوان اللمبات , لكن لو أستخدمنا اللمبات الصفراء ده هيكون أحلى بكتير , كمان احنا ممكن نشغل الدلايات بس ومنشغلش معها اى نوع تانى من انواع الاضاءه, وده هيدى للمكان دفئ وهيساعد على الاسترخاء , الدلايات بتستخدم فى أكتر من مكان فى أكثر من مكان زى غرف النوم , غرف الاطفال , غرف الجلوس ، غرف الاستقبال ، الممرات , الشرفات,  هتلاقو فى موبيكان أشكال كتيير للدلايات وبأسعار مناسبه جداا.

اضاءه معلقه الاضاءه ازاى تختارى الاضاءه المناسبه لبيتك.
اضاءه معلقه
دلايات معلقه من السقف من موبيكان الاضاءه ازاى تختارى الاضاءه المناسبه لبيتك.
دلايات معلقه من السقف من موبيكان

الاضاءه ازاى تختارى الاضاءه المناسبه لبيتك.الاضاءه ازاى تختارى الاضاءه المناسبه لبيتك.الاضاءه ازاى تختارى الاضاءه المناسبه لبيتك.

الاضاءه الجانبيه زى الاباجورات والاباليك: الاباجورات واحده من أهم قطع الديكور اللى ممكن نستخدمها فى أكتر من مكان, فيه منها نوعين الاباجورات الارضيه ودى ممكن نستخدمها فى غرف الجلوس والمكتب, ودى بتدى اضاءه قويه مسلطه وبنشغلها وقت القراءه من غير منشغل بقيت الاضاءه كلها الموجوده فى المكان, فيه كمان الاباجورات الصغيره ودى بتدى اضاءه خافته للمكان وممكن نستخدمها فى غرف النوم سواء غرفه النوم الرئيسيه او غرف نوم الاطفال .

أبليك اضاءه رباعى سبحان الله الاضاءه ازاى تختارى الاضاءه المناسبه لبيتك.
أبليك اضاءه رباعى سبحان الله
أبليك اضاءه كلاسيك الاضاءه ازاى تختارى الاضاءه المناسبه لبيتك.
أبليك اضاءه كلاسيك
أبليك اضاءه مودرن الاضاءه ازاى تختارى الاضاءه المناسبه لبيتك.
أبليك اضاءه مودرن

الاباليك : ممكن نستخدم الاباليك كقطعه ديكور أو اننا نستخدمها علشان نبين قطعه ديكور موجوده فى المكان, الاباليك ممكن نستخدمها فى غرف النوم وغرف الاطفال وغرف الجلوس غرف الاستقبال غرف المعيشه  , الاباليك بتدى اضاءه خافته للمكان بتستخدم جميع انواع اللمبات ومن الافضل اننا نستخدم اللمبات الصفراء, هنلاقى فى موبيكان أشكال كتير ومميزه من الدلايات.

الاضاءه المخفيه: ودى اضاءات بتكون موجوده فى الحيطان وفى الارضيات والسقف , ودى طول الوقت بتستخدم فى ابراز قطع ديكور ممكن كمان تكون موجوده فى ارفف المعلقه على الحائط.. مينفعش ابدا اننا نشغل كل الاضاءات الموجوده فى المكان مع بعضها , لوعاوزين نخلى المكان هادئ ويعطى شعور بالدفئ هنشغل الاباليك بس أو الدلايات بس , لو ده وقت القراءه هنشغل الاباجورات الارضيه بس , كمان مينفعش أبدا نخلط مابين الاضاءه الصفراء والبيضاء فى مكان واحد حتى لو كان المكان واسع ومساحته كبيره.

اضاءه مخفيه مودرن أستايل الاضاءه ازاى تختارى الاضاءه المناسبه لبيتك.
اضاءه مخفيه مودرن أستايل

ودى بعض المقالات اللى هتفيدك بردوه فى تصميم ديكورات بيتك كيف يمكن أن تجعل بيتك أنيقا بأستخدام الابليك

دى كانت نصايحنا ليكم علشان تصممو اضاءه مميزه لبيوتكم , نتمنى تكونو أستفادتم منها.

اترك رد

لن يتم نشر عنوان بريدك الإلكتروني.

This site uses Akismet to reduce spam. Learn how your comment data is processed.