مجلة موبيكان الإلكترونية موجهةٌ الى كل المهتمين بالديكورات، واخر صيحات الموضة فالديكور.

ديكورات مميزه للمساحات الصغيره.

سوف نتحدث في هذا المقال عن المساحات الضيقه

المساحات الضيقه والصغيره بتزعجنا جداا لما بنيجى نختار ديكورات المكان وبتخلينا محتارين ازاى هنشغل المساحه دى بطريقه مناسبه تلبى أحتياجتنا, تابعونا علشان تعرفو أهم النصايح اللى هتساعدكو فى انكو تشغلو المساحه دى بطريقه مناسبه.

أول حاجه لازم تبقى عارفه انتى عاوزه ايه من المساحه دي وايه هى الحاجات الضروريه وايه هى الحاجات اللى ممكن تتخلى عنها.

أى شقه لازم يكون فيها غرفه نوم وغرفه أستقبال ومطبخ وحمام دي الحاجات الاساسيه فى اى شقه, ومش محتاجه مساحه كبيره علشان تبقى موجوده, كمان فيه طرق علشان تبينى المكان أوسع كتيير .

ودى شويه نصايح علشان تخلى المكان يبان أوسع وكمان تستغليه أحسن أستغلال.

أول حاجه: الالوان اللى هتختاريها لازم أو يفضل تكون فاتحه لان الالوان الفاتحه بتدى احساس ان المكان اوسع, الالوان الفاتحه دى زى اللون الابيض وممكن تدمجى معاه البيج أو البنى بس بنسب محدده مش كبيره ممكن كمان تستخدمى ألوان الباستيل , هى ألوان فاتحه ومحايده مناسبه أيضا للاستايل المودرن, ده بالنسبه للالوان, كمان بقى متوفر ورق الحائط بأشكال كتير مميزه منها المناظر الطبيعيه والرسومات وفيه كمان ورق الحائط ثلاثى الابعاد وده أختيار مميز جدا هيغير شكل البيت عندك وهيخليه يبان أوسع بكتير.

غرفه معيشه ديكورات ديكورات مميزه للمساحات الصغيره.
غرفه معيشه

الاضاءه

الاضاءه عباره عن طبقات فيه اضاءه معلقه زى السبوت لايت والدلايات.

والاضاءه الجانبيه زى الاباجورات والاباليك.

الاضاءه المخفيه ودى ممكن تكون موجوده فى الارضيه والسقف والحيطان.

كل انواع الاضاءات دى لازم تكون موجوده فى نفس المكان .

كمان لازم تعرفى ازاى تتحكمى فى انواع الاضاءات المختلفه علشان تغيرى أجواء المكان بأستمرار حسب رغبتك.

الاضاءه القويه ممكن تستخدميها للقراءه والاضاءه الخافته علشان تخلى المكان هادى كمان النوع ده من الاضاءه بيساعد على الاسترخاء.

يمكنك دائما ايجاد كل جديد ومميز فى عالم الاضاءه فى موبيكان

غرفه بمساحه صغيره ديكورات ديكورات مميزه للمساحات الصغيره.
غرفه بمساحه صغيره

قطع الاثاث

لازم تراعى ان قطع الاثاث اللى هتختاريها يبقى حجمها مناسب للمكان علشان متختاريش قطع الاثاث كبيره, لأن بعدين هتتفاجئى بأنها خلت المكان زحمه جدا وصعب التحرك فيه وده شئ هيبقى مزعج جدا ليكى.

بعد لما تختارى قطع الاثاث بالحجم المناسب لمساحه المكان اللي هتبقى موجوده فيه أختارى الالوان , الالوان لازم تكون متناسقه مع ألوان الجدران, كمان لازم تكون المخدات محشوه بعنايه علشان يبقى شكلها كويس وشيك, من المهم جدا تنسيق الوان الاثاث مع بعضه ممكن تختارى ألوان ساده للكنب والكراسى مثلا وتختارى قماش منقوش للمخدات أو ان تكون المخدات بلون مخالف لكن متناسق ومتماشى مع لون الكنب والجدران .

بعدين بتيجى الخطوه اللي بتختارى فيها قطع الديكور المختلفه زى السجاد والستائر واللوحات وغيرها.

السجاد

أختارى خامه مريحه وسهله التنضيف , لون السجاده لازم يكون ملائم ومتجانس مع باقى قطع الاثاث, كمان خلى السجاده تعكس ذوقك الشخصى ، من المهم جداا ان السجاده تكون بالمقاس المناسب وكل قطع الاثاث الموجوده فى المكان لازم تكون فوق السجاده مش بس تربيزه الشاى.

لكن لو مش متوفر مقاس السجاده المناسب ممكن تستخدمى سجاده صغيره بتكون تحت تربيزه الشاى , كمان ممكن تكون الارجل الاماميه للكراسى على أطراف السجاده.

منزل بمساحه صغيره ديكورات ديكورات مميزه للمساحات الصغيره.
منزل بمساحه صغيره

الستائر

قطعه ديكور مهمه جداا أختارى دايما الستاره الطويله والعريضه حتى ولو الشبابيك صغيره, طول الستاره بيكون من السقف حتى الارضيه, لون الستاره لون فاتح متناسق مع باقى قطع الاثاث الموجوده فى المكان.

لمسات أخيره علشان تخلى المكان يبان بأفضل شكل وهى انك تستخدمى اللوحات الكبيره لانها قطعه ديكور مهمه تبرز جمال المكان, ممكن كمان تعملى ارفف صغيره حوالين التليفزيون وتحطى عليها بعض الاكسسوارات , أستغلى كل مساحات التخزين الموجوده فى المكان أكبر أستغلال.

منزل مساحته صغيره ديكورات ديكورات مميزه للمساحات الصغيره.
منزل مساحته صغيره

أتأكدى ان جميع ديكورات المكان متناسقه ومتجانسه.

دى كانت نصايحنا ليكى نتمنى تكون فادتك.

بعض الموضوعات المشابهه

نصائح عن الديكور المنزلى

اترك رد

لن يتم نشر عنوان بريدك الإلكتروني.