اللى احنا شايفينه ده مش مجرد تصميم عادى لمطعم , احنا شايفين قدامنا صور وزكريات وأيام شايلينها جوه قلوبنا من زمان ده الاحساس اللى تصميم طبالى قدر يوصلهولنا.
طبالى حب يبدألنا يومنا بشكل تانى خالص , شكل مختلف تماما الجو هناك هيظبطلك مودك طول اليوم ,التصميم جديد وفيه ابتكار و ورح .
التصميم كان مبتكر الحقيقة وفيه حاجات كتير حابين نتكلم عنها زى الرسومات وديكورات الحائط والكراسى والتربيزات وحتى تصميمات الاضاءة.
فى بداية اى تصميم بنبدأ نشوف ايه هو الجو اللى حابين نعمله فى التصميم او بنفكر فى ايه هى الحاجة اللى ممكن تشد انتباه اى حد للمكان وتخليه مرتاح الى حد كبير وهو موجود فى المكان ده ودى أحيانا بتختلف حسب أختلاف اذواق المصممين , فيه بعض المصممين بيختاروا ألوان مريحة وهادية تدى روح وهدوء للمكان و البعض بيختار تصميمات الاضاءة ويشتغل عليها علشان تدى للتصميم جمال وجاذبية وفيه اللى بيستخدم قطع أثاث بأشكال مبتكرة وجديدة, لكن تصميم طبالى اختار حاجة تانية خالص.
دايما بنفرح لما نلاقى حاجة تفكرنا بأيام زمان وروح زمان وده اللى شوفناه فى تصميم المكان اللى قدر يوصلك الاحساس ده من أول ماتدخل المكان.
المصمم اختار جمل قديمة من اعلانات زمان اللى كنا بنحبها ولينا معاها زكريات وأختارلنا جمل مشهورة من افلام زمان اللى بمجرد مابتشوفها بتنتابك حالة من السعادة لأنها متعلقة بشكل كبير بزكريتنا واحنا أطفال ودى أحلى ايام فى حياتنا وده كان الجزء المتعلق بديكورات الحائط.
صور من مطعم طبالى
زكريات الطفولة مرسومة على حائط فى مطعم طبالى
تصميم التربيزات والكراسى كان مختلف تماما ومشوفناش زيه اطلاقا , المصمم اختار قطع الديكور الكلاسيك زى الجرامافون وغيرها من القطع اللى أضافت أناقة وجاذبية للمكان.
كمان قدر يكمل التصميم بالاكسسورات والقطع الكلاسيك واللى ظهرت بشكل مميز جدا .
تصميم مبتكر للكراسى والطاولة الموجودة فى المطعم
صور من مطعم طبالى:
تصميم مطبخ طبالى
ديكورات الحائط فى مطعم طبالى
الواجهة الخارجية لمطعم طبالى
ديكورات مميزة فى مطعم طبالى
ديكورات حائط مميزة مدموجة بتصميم اضاءة مميز فى مطعم طبالى
تصميم مطعم طبالى
باب فى مطعم طبالى
التصميم الداخلى للمطعم
تصميم اضاءة جديد ومبتكر فى مطعم طبالى
