مجلة موبيكان الإلكترونية موجهةٌ الى كل المهتمين بالديكورات، واخر صيحات الموضة فالديكور.

تصميم ابداعى ومميز فى طبلية الخواجة

طبلية الخواجة تصميم مودرن بلمسة كلاسيك

طبلية الخواجة ده المطعم اللى هنتكلم عنه , الصراحة ان الاسباب اللى ممكن اققولهالك علشان تروحه كتيرة جدا ويطول شرحها الحقيقة, لكن ممكن اققولك سبب رئيسى واحد و حاجة واحدة انك لو مروحتش فأنت أكيد هيفوتك كتير لأن الجو اللى هناك جو مختلف جدا مش ممكن تلاقيه فى اى مكان تانى , طبلية الخواجة مكان جمع بين كل حاجة حلوة ممكن تلاقيها فى اى تصميم ..جمع بين تصميم اضاءة مميز جدا وقطع أثاث عملية و ألوان متناسقة وجذابة .

المطعم هيشدك بتصميمه من أول ماتدخله مش هتبقى عاوز تخرج منه .

نتكلم عن التصميم الرائع ده شوية:

أول حاجة هتشوفها لما تدخل المطعم انك هتلاقى نوعين من التصميمات مفيش بينهم أختلاف كبير ممكن يعمل مشكلة فى الشكل العام بل بالعكس ظهر متناسق جدا وتصميم كامل فى النهاية , المصمم اللى صمم المكان دمج الالوان بطريقة صح جدا بين التصميمين , هنشوف انه أختار اللون التركواز الفاتح كلون أساسى موجود فى كل تصميم ومتناسق مع بقية الالوان الموجودة فى كل تصميم ودى حاجة تحسب للمصمم لانه قدر يوفق بين الالوان بطريقة صح .

تانى حاجة لازم تلفت نظرك برده فى المكان وهى ديكورات الحائط الموجودة قد ايه هى مميزة ومختلفة وعملت جو حلو اووى للمكان, التصميم كله كان تصميم نيو كلاسيكى وكان مبهج فى نفس الوقت وعلشان التصميم زى ماقولنا فى لمسة كلاسيك أو طابع كلاسيك فالمصمم حب يخلينا نشوف أحلى ديكورات حائط بتكمل التصميم بشكل مميز جدا زى صور لفنانين مشهورين من أيام أفلام الابيض وأسود مرسومين بطريقة الكراكاتير.

التفاصيل كانت مهمة جدا فى التصميم علشان كده شوفنا الرسم على ابواب المكان رسومات جذابة جدا وبتلائم الجو العام.

منقدرش طبعا منتكلمش على تصميم الاضاءة على قد ماكان بسيط على قد ماخدم التصميم العام للمكان وأظهره بأفضل شكل.

طبلية الخواجة

تصميم التربيزات والكراسى داخل المطعم طبلية الخواجة تصميم ابداعى ومميز فى طبلية الخواجة
تصميم التربيزات والكراسى داخل المطعم
تصميم ديكورات الحائط فى المطعم طبلية الخواجة تصميم ابداعى ومميز فى طبلية الخواجة
تصميم ديكورات الحائط فى المطعم
التصميم الداخلى للمطعم طبلية الخواجة تصميم ابداعى ومميز فى طبلية الخواجة
التصميم الداخلى للمطعم
تصميم أخر للكراسى والطاولات فى المطعم طبلية الخواجة تصميم ابداعى ومميز فى طبلية الخواجة
تصميم أخر للكراسى والطاولات فى المطعم
تصميم مميز فى المطعم طبلية الخواجة تصميم ابداعى ومميز فى طبلية الخواجة
تصميم مميز فى المطعم
تصميم اضاءة وديكورات حائط مميزة طبلية الخواجة تصميم ابداعى ومميز فى طبلية الخواجة
تصميم اضاءة وديكورات حائط مميزة
التصميم الداخلى للمطعم فى طبلة الخواجة طبلية الخواجة تصميم ابداعى ومميز فى طبلية الخواجة
التصميم الداخلى للمطعم فى طبلة الخواجة
مدخل المطعم  طبلية الخواجة تصميم ابداعى ومميز فى طبلية الخواجة
مدخل المطعم
الديكورات فى مطعم طبلية الخواجة طبلية الخواجة تصميم ابداعى ومميز فى طبلية الخواجة
الديكورات فى مطعم طبلية الخواجة
مطعم طبلية الخواجة طبلية الخواجة تصميم ابداعى ومميز فى طبلية الخواجة
مطعم طبلية الخواجة
صورة لأحد اشهر ممثلين زمن الفن الجميل اسماعيل ياسين طبلية الخواجة تصميم ابداعى ومميز فى طبلية الخواجة
صورة لأحد اشهر ممثلين زمن الفن الجميل اسماعيل ياسين

فى النهاية احنا فعلا مبسوطين اننا شوفنا النوع ده من الابداع فى الديكور والرقى فى التصميم كل ده كان لازم طبعا يلفت انتبهنا ويخلينا نتكلم عنه .

اترك رد

لن يتم نشر عنوان بريدك الإلكتروني.

This site uses Akismet to reduce spam. Learn how your comment data is processed.